المعرفة رحلة داخل عقول البشر
Mon, 22 Sep 2025
Inspirational journeys
Follow the stories of academics and their research expeditions
تفاصيل محتاجة حماية
داخل كل طفل من أطفالنا ذوي الإعاقة خاصة اضطراب طيف التوحد تفاصيل كتير .
محتاجة إدراك ، فهم ، استيعاب ، تقدير ، ترجمة ، حماية .
قد إيه مننا ممكن ياخد باله أنه بعض الأطفال بيضايقها صوت المروحة ؟! أكرة الباب ، الخلاط ، ممكن كمان لو ترابيزة مش واقفة ثابتة في الأرض وبتهتز تسبب قلق وتوتر لدي أطفالنا !
أظهرت إحصائية أن عدد 50 % من ذوي اضطراب طيف التوحد لديهم حساسية سمعية مما يعني أنهم يظهرون استجابات غير طبيعية للأصوات .
فطبيعي تحدث حالة الذعر لدي الطفل حينما يسمع صوت مرتفع وبيترجم أحيانا بشكل خاطئ !
فجأة بنصدر أوامر اسكت وما اسمعش صوتك تاني ! تلقائيا حتلاقيه سكت وبدأ يخاف منك ده وارد جدا ، ووارد أنه يزيد في الصراخ والبكاء المستمر لأنه مش عارف يعبر أو يترجم لك سبب سلوكه !
بعض أطفالنا وليس معظمهم بيكون لديهم تعلق بأشياء وحاجات بسيطة بالنسبة لهم لها قيمة كبيرة ( لعبة ، مكعب ، جزء من أداة ، شكل )
الحاجة دي تمسكه بها بيكون مصدر أمان له ، تعلق بالعالم الخارجي ، حاجة تعرفه علينا وتطمئنه ، في تجربة ممارستي للجلسات كان فيه طفل بيحب يشكل ويكون أشكال اللوجهات بإستخدام الصلصال وده كان من الأشياء اللي بتمثل له دافع كبير وتغير مستوى أداؤه في الجلسة ، مجرد ما يتم الاتفاق علي المعزز ده كانت استجاباته كلها بتتبدل تدريجيا .
ومن هنا قبل السلوك احتاج لتوضيح مهم جدا قبل ما السلوك يظهر بيكون له سوابق محتاجة دراسة وفهم لطبيعة السلوك لدي الطفل واللواحق التي تتبع السلوك التي جعلت الطفل يتمادي في السلوك بزيادة أو خوف أقصد طريقة معاملتنا له .
السلوك بمفهومه واسع قوي مش مقصود رمي حاجة علي الأرض أو عض زميله ولا عند ، التمسك بالشئ سلوك ونحتاج دراسة ، طريقة التعبير سلوك ومحتاج فهم ، تفاصيل الطفل وسلوكياته كلها محتاجة ملاحظة علشان نطلع بنتيجة .
احنا الكبار حينما نمر بموقف بنحتاج نحلل طريقة تعاملنا بنحكم علي أنفسنا ازاي؟! اتصرفنا وطريقة تعاملنا كانت ازاي ! وليه أنا بكيت في اللحظة دي ! ليه ما اتمالكتش نفسي !
بنقعد نحلل ونلوم ونفتكر إننا مررنا بتجربة شبيهة أو تراكم نفسي موجود كان محتاج زقة علشان يخرج وبنتعلم من المواقف .
كام واحد فكر لما الطفل ينزعج من صوت محتاج أخرج من دائرة القلق اللي بقي الطفل فيها لدائرة أخري تطمنه
الشكل الناقص اللي في البازل اللي ممكن يسبب له اضطراب وضيق ومش قادر يفسره وراحته في أنه يشوفه كامل لأن ده بيشبع الجانب البصرى والرؤية الصحيحة اللي اتعود علي أنه يشوفها وترجمها زي ما اتعلمها وشافها .
أحنا المدربين والمعلمين واللي المفروض تكون علي درجة من الإتزان النفسي السلوكي محتاجين ناخد بالنا من تفاصيل سلوك أطفالنا ونحللها ونعالجها وداخلنا قناعة بضرورة علاجها وحماية تفاصيلها .
الشغل مع الطفل عمره ما كان أنه يعرف أسد وبطة ولا يكتب ويقرأ مع أهميتهم اللي حايجي وقتها قد ما أنه أكون معه وفي حمايته وحماية نفسيته وسلوكه .
ReplyForward |
0 Comments
الفئات
- التربية الخاصة 7
- التنمية الذاتية 6
- التنمية المجتمعية الدامجة والتأهيل المرتكز على المجتمع 5
- التدخل المبكر 4
- القيادة والإدارة في مؤسسات المجتمع المدني 2
- تجارب ناجحة وقصص ملهمة 1
Recent posts
الاستراتيجيات الفعالة مع عسر القراءة
Mon, 22 Sep 2025
(إدارة المعرفة والابتكار( سر تميّز المؤسسات
Tue, 09 Sep 2025
Leave a comment